గానం: దేవి శ్రీ ప్రసాద్
సంగీతం: దేవి శ్రీ ప్రసాద్
రచన: చంద్రబోస్
_________________________________________________________________________________
పల్లవి:
ఫెళ ఫెళ ఫెళమంటూ పిడుగల్లే పెదవిని తాకింది తొలి ముద్దు
సర సర సరమంటూ విషమల్లే నర నరం పాకింది తొలి ముద్దు
గబ గబ గబమంటూ గునపాలై మెదడుని తొలిచింది తొలి ముద్దు
ఒక పరి వెయ్యికోట్ల సూర్యుళ్ళై ఎదురుగ నిలిచింది తొలి ముద్దు || ఫెళ ఫెళ ||
వదలనులే చెలీ చెలీ నిన్నే మరణం ఎదురు వచ్చినా
మరువనులే చెలీ చెలీ నిన్నే మరు జన్మెత్తినా
మెదలనులే ఇలా ఇలా భూమే నిలువున బద్దలయ్యినా
చెదరదులే నాలో నువ్వే వేసే ముద్దుల వంతెన
శరీరమంతటిని చీరే ఫిరంగిలాగ అది మారే
కణాలలో మధుర నాలలే కదిపి కుదుపుతోంది చెలియా
బ్రతకాలి... అని ఒక ఆశ రేగెలే
చంపాలి... వెంటాడే చావునే || 2 || || ఫెళ ఫెళ ||
చరణం 1:
ఒక యుధ్ధం, ఒక ధ్వంసం, ఒక హింసం నాలో రేగెలే
ఒక మంత్రం, ఒక మైకం, నాలో మోగెనే
ఒక జననం, ఒక ఛలనం, ఒక జ్వలనం నాలో చేరెనే
ఒక స్నేహం, ఒక దాహం, నాలో పొంగెనే
గతాల చీకటిని చీల్చే శతఘులెన్నో అది పేల్చే
సమస్త శక్తినిచ్చే నీ స్పర్శే ఓ చెలియా || బ్రతకాలి ||
చరణం 2:
ఒక క్రోధం, ఒక రౌద్రం, భీభత్సం నాలో పెరిగెనే
ఒక శాంతం సుఖ గీతం లోలో కలిగెనే
ఒక యోధం, ఒక యఙ్ఞం, నిర్విఘ్నం నన్నే నడిపెనే
ఒక బంధం, ఒక భాగ్యం నాకై నిలిచెనే
భయాల గోడలను కూల్చే జయాల గొంతు వినిపించే
శుభాల సూచనిచ్చే నీ చెలిమే ఓ చెలియా || బ్రతకాలి ||
0 కామెంట్లు:
కామెంట్ను పోస్ట్ చేయండి