గానం: విజయ్ ప్రకాష్
సంగీతం: అనూప్ రూబెన్స్
రచన: రామజోగయ్య శాస్త్రి
_________________________________________________________________________________
పల్లవి:
చిరునవ్వే విసిరావే నిదురించే కలపై
సిరిమువ్వై నడిచావే నిను కోరేటి ఈ గుండెపై
వెలుగేదో పరిచావే నిను చూస్తున్న నా కళ్లపై || చిరునవ్వే ||
చరణం 1:
సరదా సరదాలెన్నో అందించావే సమయం గురుతేరాని సావాసంతో
విరహం చెరలో నన్నే బంధించావే ఎపుడూ మరుపేరాని నీ అందంతో
ఆహ్వానం పంపించానే ఆనందం రప్పించానే రెప్పల్లోనా తుళ్లే చూపుల్తో
ఆరాటం ఊరించావే మోమాటం మారించావే చేరువలోనా చేసే దూరంతో
చెలియా... || చిరునవ్వే ||
చరణం 2:
అసలే వయసే నన్ను తరిమేస్తుంటే అపుడే ఎదురౌతావు ఏం చెయ్యాలే
అసలీ తడబాటేంటని అడిగేస్తుంటే సరిగా నమ్మించే బదులేం చెప్పాలే
తప్పేదో చేస్తున్నట్టు తప్పించుకుంటున్నట్టు ఎన్నాళ్లింకా కాలం గడపాలే
నీకోసం నేనున్నట్టు నీ ప్రాణం నమ్మేటట్టు ఎవ్వరితోన కబురంపించాలే
చెలియా.. || చిరునవ్వే ||
0 కామెంట్లు:
కామెంట్ను పోస్ట్ చేయండి