గానం: కార్తీక్
సంగీతం: కమలాకర్
రచన: సిరివెన్నెల సీతారామశాస్త్రి
_________________________________________________________________________________
పల్లవి
ఎదుట నిలిచింది చూడు జలతార వెన్నెలేదో
యెదను తడిపింది నేడు చినుకంటి చిన్నదేమో
మైమరచిపోయాను మాయలో
ప్రాణమంత మీటుతుంటే వాన వీణలా || ఎదుట నిలిచింది ||
చరణం 1:
నిజంలాంటి ఈ స్వప్నం ఎలా పట్టి ఆపాలి
కలే అయితె ఆ నిజం ఎలా తట్టుకోవాలి
ఔనో కాదో అడగకంది నా మౌనం
చెలివో శిలవో తెలియకుంది నీ రూపం
చెలిమి బంధమల్లుకుందే జన్మ ఖైదులా || ఎదుట నిలిచింది ||
చరణం 2:
నిన్నే చేరుకోలేక ఎటెళ్లిందో నా లేఖ
వినేవారు లేక విసుక్కుంది నా కేక
నీదో కాదో రాసున్న చిరునామా
ఉందో లేదో ఆ చోట నా ప్రేమా
వరం లాంటి శాపమేదో సొంతమైందిలా || ఎదుట నిలిచింది ||
0 కామెంట్లు:
కామెంట్ను పోస్ట్ చేయండి