సంగీతం: రాజన్-నాగేంద్ర
గానం: S P బాలసుబ్రహ్మణ్యం, P సుశీల
రచన: వేటూరి సుందరరామ్మూర్తి
_________________________________________________________________________________
పల్లవి:
చినుకులా రాలి నదులుగా సాగి
వరదలై పోయి కడలిగా పొంగు
నీ ప్రేమ.. నా ప్రేమ.. నీ పేరే నా ప్రేమ.
నదివి నీవు, కడలి నేను,
మరిచిపోబోకుమా మమత నీవే సుమా || చినుకులా రాలి ||
చరణం 1:
ఆకులు రాలే వేసవి గాలి నా ప్రేమ నిట్టూర్పులే
కుంకుమ పూసే వేకువ నీవై తేవాలి ఓదార్పులే
ప్రేమలు కోరే జన్మలలోనే నే వేచిఉంటానులే
జన్మలు దాటే ప్రేమను నేనై నే వెల్లువౌతానులే
ఆ చల్లని గాలులే
హిమములా రాలి సుమములై పూసి
ఋతువులై నవ్వి మధువులై పొంగు
నీ ప్రేమ.. నా ప్రేమ.. నీ పేరే నా ప్రేమ
శిశిరమైనా శిధిలమైనా
విడిచిపోబోకుమా విరహమైపోకుమా || చినుకులా రాలి ||
చరణం 2:
తొలకరి కోసం తొడిమెను నేనై అల్లాడుటున్నానులే
పులకరమూదే పువ్వుల కోసం వెసారుతున్నానులే
నింగికి నేల అంటిసలాడే ఆ పొద్దు రావాలిలే
నిన్నలు నీడై రేపటి నీడై నా ముద్దు తీరాలిలే
ఆ తీరాలు చేరాలిలే
మౌనమై మెరిసి గానమై పిలిచి
కలలతో అలిసి గగనమై యెగసి
నీ ప్రేమ.. నా ప్రేమ.. తారాడే మన ప్రేమ
భువనమైనా, గగనమైనా,
ప్రేమమయమే సుమా.. ప్రేమమనమే సుమా || చినుకులా రాలి ||