శశిరేఖా పరిణయం - నిన్నే నిన్నే

గాయకులు: చిత్ర 

సంగీతం : మణిశర్మ


రచన : సిరివెన్నెల సీతారామశాస్త్రి

_________________________________________________________________________________

పల్లవి

నిన్నే నిన్నే అల్లుకొని, కుసుమించే గంధం నేనవనీ
నన్నే నీలో కలుపుకొని, కొలువుంచే మంత్రం నీవవనీ
ప్రతీ పూట పువ్వై పుడతా, నిన్నే చేరి మురిసేలా
ప్రతీ అడుగు కోవెలనౌతా, నువ్వే నెలవు తీరేలా
నూరేళ్లు నన్ను నీ నివేదనవని                                                    || నిన్నే నిన్నే ||


చరణం 1:

వెన్ను తట్టి మేలుకొలిపిన వేకువ నువ్వే
కన్నె ఈడు నేను మరచిన వేళవు నువ్వే
వేలు పట్టి వెంట నడిపిన దారివి నువ్వే
తాళి కట్టి ఏలవలసిన దొరవూ నువ్వే
రమణి చెరను దాటించే రామచంద్రుడా
రాధ మదిని వేధించే శ్యామసుందరా
మనసిచ్చిన నెచ్చెలి ముచ్చట పచ్చగ పండించరా..                        || నిన్నే నిన్నే ||


చరణం 2:

ఆశ పెంచుకున్న మమతకు ఆధారమా
శ్వాస వీణలోని మధురిమ నీదే సుమా
గంగ పొంగునాపగలిగిన కైలాసమా
కొంగు ముళ్లలోన ఒదిగిన వైకుంఠమా
ప్రాయమంత కరిగించి ధారపోయనా 

ఆయువంత వెలిగించి హారతీయనా......                                          || నిన్నే నిన్నే ||

Posted in: Chitra,Manisarma,Sasirekha Parinayam,Sirivennela Seetarama Sastry